《一秒拳王》聽日上畫，
佢係一套尊重香港嘅電影。
-
瑕疵係有，劇本上有乏力但顯然可改嘅地方，但同時電影亦有絕對可觀嘅地方，包括對格鬥技巧嘅堅持、對畫面嘅堅持、對香港文化嘅堅持、對廣東話嘅堅持。而佢大抵亦係2021暫時嚟講，最貼近大眾嘅香港電影，香港電影票房上半年掂唔掂，好可能就係睇《一秒拳王》。
-
某藍色導演幾日前話，有一半香港年輕嘅電影工作者都係迷途嘅羔羊，佢相信未來將會有愈多愈多支援愛國電影工作者嘅措施。悲觀地諗，未來香港將會有愈嚟愈多[愛國]嘅電影，呢個係鐵一般嘅事實。而一般本土電影唔會再得到政府嘅資助，亦好大機會發生。
-
而家我哋一直以嚟鍾意睇嘅戲，就會被劣幣驅除良幣，仲捱到幾耐，無人知，但我哋可以做到嘅，就係有值得支持嘅作品，就入場睇，心懷希望，相信未來香港人可以養活自己嘅香港電影，堅持。
Search